This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
95.
[325]
sed si quaerimus cur adulescens magis floruerit dicendo
quam senior Hortensius, causas reperiemus verissimas
duas. Primam1, quod genus erat orationis Asiaticum adulescentiae magis concessum quam senectuti. Genera autem
Asiaticae dictionis duo sunt: unum sententiosum et argutum, sententiis non tam gravibus et severis quam2 concinnis
et venustis, qualis in historia Timaeus, in dicendo autem
pueris nobis Hierocles Alabandeus, magis etiam Menecles
frater eius fuit, quorum utriusque orationes sunt in primis
ut Asiatico in genere laudabiles. Aliud3 autem genus est
non tam sententiis frequentatum quam verbis volucre atque
incitatum, quale4 est nunc Asia tota, nec flumine solum
orationis, sed etiam exornato et faceto5 genere verborum, in
quo fuit6 Aeschylus Cnidius et meus aequalis Milesius
[p. 1100]
Aeschines. In his erat admirabilis orationis cursus, ornata
sententiarum concinnitas non erat.
[326]
haec autem, ut dixi,
genera dicendi aptiora sunt adulescentibus, in senibus gravitatem non habent. Itaque Hortensius utroque genere
florens clamores faciebat adulescens. Habebat enim et
Meneclium illud studium crebrarum venustarumque sententiarum[, in quibus7, ut in illo Graeco, sic in hoc erant
quaedam magis venustae dulcesque sententiae quam aut
necessariae aut interdum utiles8;] et erat oratio cum incitata
et vibrans tum etiam accurata et polita. Non probabantur9
haec senibus—saepe videbam cum inridentem tum10 etiam
irascentem et stomachantem Philippum—, sed mirabantur
adulescentes, multitudo movebatur.
1 primam Ernesti: primum L
2 et severs quam vulg.: etsi veris nunquam L
3 aliud L: alterum E. F. Eberhard
4 quale BHM: quali C: qualis codd. deft.
5 faceto L: facto Ruhnken
6 fuit L: floruit Eberhard
7 in quibus L: in quo Stangl
8 in quibus... utiles secl. Friednch: ut in illo ... hoc secl. Eberhard
9 probabantur Ernesti: probantur L
10 tum ... tum maluit Bake
M. Tullius Cicero. M. Tulli Ciceronis Rhetorica, Tomus II. A. S. Wilkins. Oxonii. e Typographeo Clarendoniano. 1911. Scriptorum Classicorum Bibliotheca Oxoniensis.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.